ПРЕДСЛОВО

Даскельо роки ми уж велї споминали, а товарише як кед би и препоминали, же би написац синтезу историї Руснацох, або голєм кратку историю. А справди, чувствовала ше потреба. Поготов у школох на руским язику, або у тих дзе ше голєм пестовало руски язик, бо анї школяре, анї наставнїки и професоре нє мали учебнїк односно кнїжку зоз хторей би ше могло учиц дацо з нашей националней историї. Таку кнїжку би, розуми ше, дзечнє читали и други.

Роздумовал сом як написац кратку историю Руснацох. Бул сом свидоми же то нє легко, бо нїґда нє легко писац кратко. Вше сом ценєл новинарох и писательох хтори знали писац вокраци и згуснуто, збито, хтори знали виражиц думку з даскелїма виреченями та и даскелїма словами. Лєм прави уметнїки слова можу збиц думку, та и универзум, до даскелїх словох. Прето сом ше досц чежко одлучел писац Кратку историю Руснацох. Пишуци тоту кнїжку мал сом пред собу велю литератури и обсяжни корпус архивного материялу, праве морйо фактох. Нє требало ніч видумовац або додумовац. Требало лєм вихасновац позберани материял и писац. Розуми ше, нє мож споминац кажди податок. Историчар нє може писац шицко цо зна, але муши знац цо и як повесц. Прето писане историї нє лєм физичне преберанє фактох и виберанє того цо найважнєйше и найинтересантнєйше. Писане историї подобне процесу дестилациї: вино, тото найквалитетнєйше, стої пар роки у гордовох, и то у окремних условийох, дзе воно дозрева, ушедує ше, одвиваю ше хемийни процеси, а на концу ше з велькей маси достане мале количество винского дестилату, того найквалитетнєйшого. Так ше и податки з обсяжней литератури и архивох збераю на єдно место, дзе стоя, дозреваю, а историчар их потим преточує до меншей або векшей кнїжки, хтору шицки годни читац и так упознавац прешлосц.

Тераз, кед рукопис дакус одлєжал, видзи ше ми же Кратка история Руснацох презасицена з податками. Док сом писал, думал сом же лєпше виношиц податки и поволовац ше на нїх, як препущиц ше безконечному приповеданю без покрица, бо за историчара податки и историйни факти найлєпше покрице. Нє трудзел сом ше вельо толковац и прешвечовац читача, але сом ше намагал, споминаюци поєдини теми, класц ориєнтири хтори читач вихаснує та и сам руши у своїх роздумованьох до прешлосци, у глїбююци ше до нєй и упознаваюци ю. Читаче и час винєшу свойо думанє о кнїжки и оценя ю.

На концу дзеку єм шицким тим хтори ми на даяки способ помогли у пририхтованю або писаню рукопису. Окреме дзекуєм свойому братови Михалови, хтори як лектор, але и як уметнїк писаного слова, вельо допринєсол же би кнїжочка була цо лєгчейша за читане. Щиро дзекуєм свойому товаришови з ґимназийних рокох у Руским Керестуре Любославови Еделинскому-Славчецови, хтори зоз своїм прилогом барз вельо помогнул же би тота кнїжочка була видрукована.

У Кисачу, 22. новембра 1993. року

ОДКАЛЬ И КАДЗИ...........................................................................З

ПРЕДСЛОВО......................................................................................5

ВЕЛЬКА СЕЛЕВА НАРОДОХ,

СЛАВЯНЄ И ВОСГОЧНИ СЛАВЯНЄ.......................................7

КИЄВСКА РУС....................................................................................9

ВИРА И КУЛТУРА ВОСТОЧНИХ СЛАВЯНОХ...................12

ГАЛИЦКО-ВОЛИНЬСКА ДЕРЖАВА.......................................15

РУСИНИ ПОД ВЛАСЦУ ПОЛЬСКЕЙ И ЛИТВИ..................17

РЕЛИҐИЯ И КУЛТУРА.................................................................20

БРЕСТОВСКАУНИЯ......................................................................23

РУСИНИ У УГОРСКЕЙ.................................................................25

ДРУЖТВЕНО-ЕКОНОМСКИ И

ПОЛИТИЧНИ ОБСТАВИНИ.......................................................27

ВИРА, ПРОСВИТА И КУЛТУРА НА

ЗАКАРПАТЮ ПО КОНЄЦ ХУШ ВИКА...................................ЗО

РУСНАЦИ У БАЧКИ У ХУШ ВИКУ.......................................35

ПРИСЕЛЬОВАНЄ РУСНАЦОХ ДО БАЧКИ...........................35

ПРИВРЕДНИ ЖИВОТ РУСНАЦОХ У БАЧКИ У ХVIII ВИКУ.........................44

ВИТРИМОВАНЄ ВОЙСКА...........................................................53

ВИСЕЛЬОВАНЄ РУСНАЦОХ З КЕРЕСТУРА И КОЦУРА И СНОВАНЄ НОВИХ РУСКИХ КОЛОНИЙОХ..54

ДРУЖТВЕНИ ЖИВОТ..................................................................56

ЦЕРКОВНИ И ВИРОКИ ЖИВОТ РУСНАЦОХ У БАЧКИ У ХVIII ВИКУ...........................58

ВИРСКИ ЗРАЖЕНЯ У КЕРЕСТУРЕ 50-ИХ РОКОХ ХVIII ВИКА...........62

СНОВАНЄ КРИЖЕВСКОГО ВЛАДИЧЕСТВА......................63

ПРОСВИТНИ ЖИВОТ..................................................................66

НАБАВЯНЄ И ДРУКОВАНЄ КНЇЖКОХ.................................68

РУСНАЦИ У БАЧКИ И СРИМЕ У ПЕРШЕЙ ПОЛОВКИ XIX ВИКА.............69

ПРИВРЕДНИ ЖИВОТ....................................................................69

СОЦИЯЛНО-ЕКОНОМСКИ ОБСТАВИНИ...............................69

ВИСЕЛЬОВАНЄ РУСНАЦОХ З КЕРЕСТУРА И КОЦУРА И СНОВАНЄ НОВИХ РУСКИХ КОЛОНИЙОХ..............73

ДРУЖТВЕНИ ЖИВОТ..................................................................77

ПРОСВИТНИ ЖИВОТ...................................................................77

ЦЕРКОВНИ И ВИРСКИ ЖИВОТ...............................................81

РУСНАЦИ У БАЧКИ И СРИМЕ 1848-1918............................87

РУСНАЦИ У РЕВОЛУЦИЇ 1848-49. РОКУ...............................87

СОЦИЯЛНО-ЕКОНОМСКИ ОБСТАВИНИ............................91

РИШОВАНЄ АГРАРНОГО ПИТАНЯ........................................91

ПОЛЬОПРИВРЕДА, РЕМЕСЕЛСТВО, ИНДУСТРИЯ..........92

СОЦИЯЛНА СТРУКТУРА И СОЦИЯЛНИ НЄМИРИ.........96

ДЕМОҐРАФСКИ ОБСТАВИНИ...................................................99

ВИПАТРУНОК РУСКОГО ВАЛАЛУ.......................................100

ДРУЖТВЕНИ ЖИВОТ.................................................................102

ПРОСВИТНИ ЖИВОТ.................................................................102

ЦЕРКОВНО-ВИРСКИ ЖИВОТ.................................................117

КУЛТУРНО-НАЦИОНАЛИИ ПРЕПОРОД............................123

РУСНАЦИ У ПЕРШЕЙ ШВЕТОВЕЙ ВОЙНИ.......................128

МЕСТО ЗАКЛЮЧЕНЯ: ДРАГА ДО БУДУЧНОСЦИ.........131