ПЕРША ЦЕРКОВНА ИСТОРИЯ НА РУСКИМ ЯЗИКУ

История Церкви єдна з найкомплекснєйших истори-оґрафских темох. Пре свойо значене вона не лем история двацецвиковней вирскей организациї, але источашнє и история дружтва и заєднїцох, история идейох, филозофскей думки, уметносци, наукових здобуцох. На концу, вона ше скоро з истим виглєдовацким интензитетом одноши и ґу прешлосци привредних и политичних рухох, войнох, историї державох, жемох и цалих народох. Така оцена не траци вредносц анї у сучасней епохи и озда прето историї Церкви, з оглядом на предмет виглєдованя хтори катеґория длугого тирваня, представяю подняца хтори ше не пишу анї часто анї легко.

История Церкви пред нами, автора мр Романа Миза, представя специфичну историоґрафску синтезу. Вона у своєй шмелей розконареносци у добрей мири облапя горе наведзени тематски елементи хтори през богату прешлосц провадзели Церкву и ей живот. Кед же наглашиме же слово о першей церковней историї на руским язику вец можеме висловиц думку о окремносци того подняца хторе саме по себе заслужує увагу. Увагу тиж прицагує интересантна концепция дїла. По задумки автора, кнїжка подзелєна на кратши наслови хтори обробюю одредзени теми и питаня зоз историї Церкви. їх квалитет у тим же су писани як окремий преглядни цалосци и як таки можу ше нєзависно читац и розумиц. Медзитим, їх вибор и рядошлїд писаня уклопени до нарису общей историї Церкви. Наслови повязани зоз хронолоґийну нїтку хтора их водзи од Исуса Христа и апостолох през вики першобутного християнства, часи церковних соборох и єресох, пери-од покресценя нових народох Германох и Славянох, потим ше провадзи история Церкви на Востоку и За-, ходзе у штреднїм вику, шлїдза часи гуманизму, реформ мациї и контрареформациї, же би ше закрочело до XIX и XX столїтия - периоду стваряня „модерней Европи". Хронолоґийна нїтка сцигує до понтификату папи Йоана Павла II и часох хторим зме сами сучаснїки и шведкове. Заключна тема діла, як и його початок пошвецена духовней константи християнскей вири - Исусови Христови хтори як дефиноване у списох церков¬них оцох звонка часу и преходносци, початок и конєц историї, мерадло историйней периодизациї.

Наведзени хронограф прешлосци Церкви у своєй концепциї ма уциснути єден моцни тематски печац хтори на специфични способ одредзел цалу синтезу. Кнїжка не занєдзбує историят розколох настатих медзи Восточну, православну и Заходну, католїцку Цер¬кву. У предлуженю вичерпно приказана история менєй лєбо вецей успишних зєдинєньох медзи двома Церква¬ми, як и прегляд прешлосци зєдинєних Восточних Церквох хтори прилапели унию зоз Римску церкву. У тим контексту, дзекуюци насампредз авторови, обробени и живот грекокатолїкох на тих наших просторох, цо заокружене зоз податком о снованю Апостолского егзархату за грекокатолїкох у Сербиї и Чарней Гори 2003. року. Место зєдинєних Восточних Церквох у общей историї Церкви праве тот тематски печац діла хтори одредзує його идейни концепт у форми напредок дефинованей точки од хторей автор руша у своїм викладаню. Околносц хтора унапрямує дїло и одредзує його гранїчнїки у историоґрафскей интерпретациї.

Кнїжку краши преглядносц и лєгки етил викладаня. Вона насампредз обрацена ґу широкому кругу публики хтора будзе мац нагоду преглїбиц свойо спознаня и лєпше упознац прешлосц Грекокатолїцкей Церкви и свойого обряду у общим цеку историї християнства. При тим діло приноши мале енциклопедийне богатство податкох и пояшнєньох хтори характеристично провадза шицки дїла о. мр Романа Миза и шведоча о його ерудитскей ширини и искуству длугорочней виглєдовацкей роботи. У тим поглядзе окреме вредни додаток на концу кнїжки представя Словнїк менєй познатих церковних поняцох. З оглядом на шицко наведзене, пред собу маме кнїжку чий будуци живот, прешвечени зме, будзе мац вецейнїсту притоку ґу своїм читачом.

о. мр Михайло Малацко: На прагу нашого часу..........................5

Мр Дюра Гади: Перша церковна история на руским язику..........................7

История Христовей Церкви....................10

Периодизация историї Церкви..................12

Церкву основал Исус..........................14

ПРА ЦЕРКВА

Єрусалимська заєднїца ........................18

Ширене християнства.........................20

Центри християнства..........................22

Процивнїки християнства......................25

Геленизем и поганство ........................27

Прешлїдованє християнох .....................29

Мученїцтва..................................31

Милански едикт..............................33

Катакомби...................................35

Виглєдованя катакомбох.......................37

Хроніка.....................................39

СТАРИ ВИК

Християнство у шлєбоди ......................42

Єреси.......................................44

Познєйши єреси..............................47

Розвой богословскей науки на Востоку у III вику ... .49

Розвой богословскей науки на Заходзе у III вику ... .51

Розвой богослуженьох ........................53

Початки християнскей уметносци и архитектури у III вику....56

Духовни и морални живот у III вику.............58

Святосц християнох и Церкви у III вику .........60

Церковне ушоренє у III столітню ...............63

Святи оцове.................................65

Свитильнїки Востоку .........................67

Свитильнїки Заходзе..........................69

Церковни собори.............................71

Собори на Заходзе............................73

Монашески чини.............................76

Восточне монашество.........................79

Заходне монашество..........................82

Покресценє Ґерманох Остроґотох...............83

Покресценє других Ґерманох...................85

Хронїка ....................................87

ШТРЕДНЇ ВИК

Покресценє заходних и южних Славянох ........90

Покресценє восточних Славянох ...............93

Християнске препородзенє ....................95

Папска держава..............................96

Инкултурация християнства ...................99

Причини котри преглїбйовали розлики.........102

Политични интереси.........................105

Фотийов розкол.............................107

Од Фотия до Керулария......................110

Михайло Керуларий.........................112

Було то всоботу 16. юлия 1054. року, на 9 годзин ..114

Ширене розколу ............................117

Розлики у ученю и пракси....................119

Два мечи...................................122

Зраженя папох з Барбаросом и Фридрихом II ... .124

Ислам .....................................126

Крижарски войни ...........................128

Святи Франциск Асизийски ..................130

Бонифатий VIII и авиньонске вигнанство .......133

Монашество у штреднїм вику.................135

Перши заходни розкол и концилияризем........138

Патарени и други гностики ...................140

Инквизиция ................................142

Християнски Восток после розколу............144

Намаганя за зєдинєнє Церквох.................147

Лионски собор и уния........................150

Реаґованя на Лионску унию...................152

Чежки часи за Византию......................154

Пририхтаня за нову унию ....................156

Флорентийска уния...........................158

Флорентийска уния у Греческей ...............160

Флорентийска уния у Русиї ...................162

Збуваня у Русиї после Исидора................165

Флорентийска уния зоз Єрменами, Коптами и Етиопянами...........167

Уния зоз Яковитами, Калдеями и Маронитами .. .169

Розвой просвити и науки на християнским Заходзе .. 170

Християнска идея у уметносци штреднього вику ... 172

Духовий живот у штреднїм вику...............174

Опадованє папскей моци .....................176

Нукашнї причини опадованя папскей моци......178

Роздумованя о концу штреднього вику .........180

Хронїка ...................................182

НОВИ ВИК

Церква на Прагу нового вику - гуманизем и ренесанса..................186

Папове и гуманисти..........................189

Причини реформациї.........................191

Мартин Лутер и реформация..................194

Розвой протестантизма.......................197

Розконарйованє протестантизма ...............200

Анґликанска Церква .........................202

Процивреформация и снованє исусовцох........205

Носталгия за єдинством Церкви ...............207

Брестска уния...............................210

Борба лроцив Брестскей униї..................213

Мученїцка шмерц Йосафата Кунцевича.........216

Пратулински мученїки .......................218

Марчанска уния.............................220

Мисия Павла Демского.......................223

Марчанске владичество ......................225

Чежка драга до униї на Закарпаттю .............228

Ужгородска уния............................231

Уния у Румуниї.............................232

Македонска уния............................235

Ружи и цернє Македонскей зєдинєней Церкви .. .238

Тридентски собор ...........................241

Нови монашески заєднїци ....................243

Обновена Церква............................245

Мисиї .....................................247

Янзенизем, ґаликанизем и феброниялизем ......249

Йозефинизем и рационализем.................251

Крижевске владичество ......................253

Французка револуция........................256

Церква у чаше Наполеонових войнох...........258

Романтизем ................................260

Сучасна папска держава......................262

Папове у другей половки XIX и першей

половки XX вику.......................264

Социялно-дружтвени проблеми ...............266

Церква и держава ...........................269

Мисийна дїялносц Церкви....................271

Початки екуменского руху....................273

Католїцка драга екуменизма ..................275

Насилна ликвидация унийох..................277

Крижевски владикове у першей половки XX столїтия........280

Крижевске владичество у другей

половки XX столїтия....................283

Папове Йоан XXIII и Павло VI................286

Други Ватикански собор .....................288

Папа Йоан Павло II..........................290

Нови рухи у Церкви .........................293

Святи XIX столїтия..........................295

Блажени и святи XX столїтия .................298

Хронїка ...................................301

Исус жиє у своєй Церкви.....................303

СЛОВНЇК..................................305