ЧУВАНЄ ОДЗАБУЦА

Кнїжка Ирини Фейсовей „ Наш стари дом " з под-насловом „Живот и звичаї Руснацох" специфична и перша тей файти у вкупней библиоґрафиї Руснацох у Югославії!. Нє легко одредзиц яка то литература: то не наукова и нє фахова литература, цо и сама авторка такой на початку припознава, а анї є нє белетристика. Кед читач сцигнє по остатні бок, зрозуми о/се то нє лєм пробованє запаметац прешли часи записуюци тото цо о прешлосци свойого родзеного валалу паметаю два Генерациї—мац и дзивка, але исто так и намаганє ожиц памятки и уляц душу тому цо нєзатримовно нєстава з горизонту народного паметаня.

Подобне при Руснацох писал єдино Михал Биркаш и у Руских календарох за 1936, 1937, и 1938. рок обявел статї „Дацо зоз живота ґаздовства наших дїдох и прадїдох ". Мотив и при М. Биркашови и при И. Фейсовей вироятно исти: записац и запаметац за будуци хенераціїі тото цо сами паметаю або цо чули од старших о живоце людзох у своїм родзеним валалє, але Фейсова до своєй кнїжочки унесла вецей чувства, унесла часц самей себе. Фейсова перше описує „Жимушнї час у валалє", кед випатра же ест вецей розваги як чежкей роботи. Прето ту описанії розлични прадки, дзивоцки, женски, родзин-ски, салашски и хлопски сходзеня. После того приходза „Ярнї роботи", але ту описанії и ярнї бависка, бависка младежи, гудаци итд. Шлїдза „Лєтнї роботи на полю", дзе централне место забера косидба и тлачидба, а вец подробно описана робота з конопу, починаюци од гиаца и закончуюци з тканьом и билєньом платна.

После опису лєтнїх роботох и процесу прерабяня конопи авторка нєобчековано преходзи на цалком другу обласц - фамилйни обичаї, и ту под насловом „Приста-новянє " обширно описує свадзебни обичаї, а вец ше знова враца на описованє єшеньских роботох на полю и описує ламачку и обичаї вязани за забивачки — клане швиньох. У часци „Народни обичаї и церковни закони вязани за швета" авторка перше описує пущанє, пости, вец обичаї на Квитну нєдзелю, на Вельку ноц, на Дзуря, на Русадля, кирбаї и процесиї (паломнїцтва), а потим преходзи на описованє жимских шветох, односно обича-йох на Андрия, Варвари, Миколая, Крачун, Нови рок, Богоявлєнє. Думам же би було лєгчейше кед би ше почало з описом жимских народних обичайох и предлужело з ярнїма и лєтнїма.

Окремна часц кнїжки пошвецена опису руского народного облєчива, дзе подробнєйше описане дзивоцке и женске облєчиво, та аж и як ше го вирабяло и отримовало. У часцох „Валалска архитектура" и „Наша стара хижа" Фейсова описує руске обисце, углавним обисца своїх дїдох, здогадуюци ше шицких дробнїцох у дворе и у самей хижій. Тот опис ма вельо особного: ту и шицко тото цо остава чловекови глїбоко урезане у паметаню и цо го як цеплота дзецинства провадзи през цали живот. Ту и описи керестурских салашох и Рискаши. Як окремна часц народних вереньох и обичайох ту „Народна медицина —рижни вереня и обичаї" Думам же Фейсова требала вихасновац свою фаховосц и пробовац ище вецей ,, вицагнуц " од женох хтори ше дакеди занїмали зоз народну медицину ирижнима врачанями, а нє барз дзечнє о тим сцу приповедац.

Кнїжка „Наш стари дом, Живот и звичаї Руснацох" нєузко фахова и претоу нєй нє вше найдземе тото на цо би обрацел увагу и цо би описал фаховец, етноґраф або етнолог. Ту велї обичаї, традицийни роботи або и випатрунок руского обисца нє описанії так прецизно и детально же би то було цалком ЯСІІЄ и тому хтори их нє позна. Фаховец би поведол же то недостаток тей кнїжки. Медзитим, вона анїнє писана як фахова литература. Фейсова ю написала же би зачувала од забуца єден период у прешлосци Руснацох (перша половка XX вика) и унесла до нєй свойо особни здогадованя и чувства, а то за звичайних читачох будзе предносц кнїжки у поровнаню з узко фаховима. За старших читачох кнїжка будзе емотивне врацанє до рокох хтори прелєцели, до младосци або до дзецинства, а за гевтих младших то будзе оживйованє сликох о хторих чули лем з приповеданя старших.

Чуване од забуца (др Янко Рамач) .......З

Жимушнї час у валалє .....9

Газдинї (и други файти прадкох) ........10

Єднане ґаздинї ..........10

Препреданє .............12

Брацкованє .............13

Женски прадки ..........14

Хлопски сходзеня вечарамн 15

Родзински прадки ........16

Салашски прадки ........17

Прадки „над додньом" .... 17

Ярнї роботи .............18

Роботи коло дому ........19

Ярнї бависка ............20

Младежски бависка ......21

Гудаци ................. 25

Лєтнї роботи на полю .....26

Други лєтнї роботи .......ЗІ

Конопа ................. 32

Виробки з конопи ........38

Пристановянє ........... 43

Остатня ................45

Розберанка ............. 46

Свадзба ................ 47

Бичак ..................56

Конєц лїга и початок єшенї 57

Бударенє ............... 57

Дамачка ................58

Забивачки .............. 62

Народни обичаї и церковни закони вязани за швета . 65

Пущане - пости .........65

Квитна нєдзеля ..........66

Велька Ноц.............66

Дзуря ..................70

Кирбаї .................71

Русадля ................ 75

Процесиї ...............76

Модляци дружтва ........79

Жимски швста ..........80

Крачун ................. 83

Нови рок ...............86

Богоявлєнє - Трокралї .... 86

Облєчиво ...............88

Дзсципскс облєчиво ......93

Валалска архитектура.....94

Салаши ...............105

Рискаша ...............108

Народна медицина – рижни версня и обичаї......110

Наша стара хижа........116

Заключєнє .............131